I te rā 5 Tiunu Mataiti 2026, kua aere atu te au tamariki o te year 8 o Te apii tua rua Araura College ki runga i tetai tere kimi’anga i to ratou tika no te Mana Tiaki “Guardians of our Heritage”. E 25 tamariki tei aere, kapiti mai te puapii Merle Pukerua, te tangata rave ote Tuanga Taporporo Alone Davey, pera katoa te tangata akaoro motoka ko Ruateako Ioane no te toa Tukutuku Raonui.
Kua aere matou ki te ngai mua teitei o Vaipeka (vao rakau) rua ki te Pai Taro (ngai vai), toru kua tapu poto katoa ki te ngai titiri’anga tita o Aitutaki nei.
I reira kua akatau te au tamariki i te au pu rakau, paraniti rikiriki, te ka akameitaki ratou I to tatou enua, ete ka ta kinokino ratou ite enua, te au manu e tetai atu au pakau ora. Kua kite ratou i te au puapinga o teia au mea natura o Aitutaki, e te au akairo e akatupu’ia nei e te tangata ki runga i te enua. Kua uriuri katoa matou i te puapinga o te au rakau, paraniti rikiriki, au tu manu e te au mea ora i runga i to tatou enua.
Kua mataora e kua reka te au tamariki i teia tere. No tetai pae tamariki ko to ratou taime mua teia i te aere ki teia au ngai e te kite i te au rakau ou. Kua ui te uianga e kua kite ratou i te puapinga o te tiaki, akono i to tatou enua, no te au uki ki mua.
