Te mataora nei matou te Tuanga Tapororo i te akakite atu e, kua akamata te tukuanga nakirokiranga e te kimi marama no te Ture Tamanako Akateretereanga Aorangi 2024.
Te ariki nei te Tuanga Taporoporo i toou au manako.
Te kite nei te Kavamani o te Kuki Airani i te anoano kia akamatutu i te au takaianga e pera katoa te au akateretereanga o te aorangi ma te akameitaki atu i te tango o teia ture tamanako. Ko te akakoroanga o teia ture tamanako ko te akakoukou I tetai au manamanata tei ngaropoinaia i roto i te Ture Nui o te Aorangi (Environment Act 2003). Ko teia te au manamanata tei ngere i roto i te Ture Nui o te Aorangi. Ko te tauianga reva, ao natura, tita (repo), te reporepoanga o te pae moana, te takinokinoanga o te au mea natura e pera katoa te au tu kaui o te akapuapinga moni mei te turoto i runga i te enua (te au are ou) e te moana.
Te aru nei teia ture tamanakoanga i te kaveinga no runga i te Aorangi o te Kuki Airani (National Environment Policy 2022-2032) tei akatangoia i te marama Titema 2022. Kua kite te Tuanga Taporoporo e, e au takaianga paruparu e te apikepike te tua o te ture e te akateretereanga. Tetai tu kaui, e maata te au kaveinga, ture tamanako, ture nui i roto i te Kuki Airani I runga I te moana, vai, enua, ao natura e te repoanga i runga i te enua.
Me ingangaro koe i te tata i tetai tukuanga tau no runga i teia ture tamanako, me ka tika, i te taaangaangaia teia peapa.
Kia tae mai I te Varaire ra 9 o Aukute 2024 i mua ake i te ora 4 i te aiai
Me e uianga taau, taniuniu mai ia Tekura Moeka’a i runga i te imera tekura.moekaa@cookislands.gov.ck
Me e uianga taau, taniuniu mai ia:
Tekura Moeka’a I Akaaere, Tu’anga Parani ete Atuitui Korero
tekura.moekaa@cookislands.gov.ck
Roselyn Strickland I Tu’anga Tapoproporo, Roia
roselyn.strickland@cookislands.gov.ck.
